ინტეგრირებული გაკვეთილი ჩაატარეს ისტორიის წამყვანმა მასწავლებელმა ცირა გრიშიკაშვილმა და მათემატიკის უფროსმა მასწავლებელმა მედეა იაგანაშვილმა VII გ კლასში (დამრ. ნ. რუსეიშვილი).
თემა: ,,საქართველო _ მიწათმოქმედებისა და მეღვინეობის კერა და ეკონომიკური სარგებლობა".
ისტორიის მიმართულებით მიზნების განსახორციელებლად მოსწავლეებმა შეისწავლეს ქართული ხორბლის ჯიშების ისტორია და ღვინის დაყენების უძველესი ქართული წესები, გაეცნენ არქეოლოგიურ კვლევებსა და აღმოჩენებს.მოსწავლეებმა შეძლეს სამიწათმოქმედო კულტურის ფართო საზოგადოებისთვის გაცნობა.მიღებული ცოდნა დაუკავშირეს ყოველდღიურ ცხოვრებას.მათემატიკის მიმართულებით შესწავლილი თემა იყო _ პროპორცია. მიზანი: პროპორციის ძირითადი თვისების მიგნება და ტრანსფერის საშუალებით მისი გააზრება. მოსწავლეებმა შეძლეს ცოდნის პრაქტიკაში გააზრებულად გამოყენება. ტრანსფერის საშუალებით მათ გამოიყენეს მათემატიკური უნარები სხვადასხვა ბიზნესმიზნისთვის.
პრეზენტაციაზე მოსწავლეებმა სლაიდების საშუალებით წარმოადგინეს ისტორიული მასალა და ბიზნესმიზნისთვის გამოსაყენებელი ანგარიში.გაკვეთილს ესწრებოდნენ დირექციისა და კათედრის წარმომადგენლები, რომელთა რეფლექსიის მიხედვით, გაკვეთილმა წარმატებით ჩაიარა, მიზნები ორივე მიმართულებით მიღწეულია.ჩვენი სკოლის პროფესიონალი მასწავლებლები ზრუნავენ მოსწავლეები მოამზადონ საზოგადოებაში ინტეგრაციისა და ადგილის დამკვიდრებისთვის.
No comments:
Post a Comment